ദോഹ: 2026-ലെ വിശുദ്ധ റമദാൻ മാസത്തെ വരവേൽക്കാൻ "ഖത്തർ, റമദാനിൽ നിങ്ങളുടെ വീട്" (Qatar, Your Home in Ramadan) എന്ന പ്രമേയത്തിൽ പുതിയ ആഗോള കാമ്പയിൻ വിസിറ്റ് ഖത്തർ ആരംഭിച്ചു. രാജ്യത്തെ സ്വദേശികളെയും താമസക്കാരെയും കൂടാതെ അന്താരാഷ്ട്ര സഞ്ചാരികളെയും ലക്ഷ്യമിട്ടാണ് ഈ കാമ്പയിൻ രൂപകൽപ്പന ചെയ്തിരിക്കുന്നത്.
റമദാൻ മാസത്തിന്റെ സവിശേഷമായ ആത്മീയ അന്തരീക്ഷം നഗരമധ്യത്തിലേക്ക് എത്തിക്കുന്നതിനായി രാജ്യത്തെ പ്രധാന തെരുവുകളും പൊതുസ്ഥലങ്ങളും മനോഹരമായ റമദാൻ വിളക്കുകളാൽ (Ramadan lights) അലങ്കരിക്കും.ഖത്തറി ഗായകൻ ഫഹദ് അൽ ഹജ്ജാജി, പ്രശസ്ത അന്താരാഷ്ട്ര സംഗീതജ്ഞൻ മഹർ സൈൻ എന്നിവർ അണിനിരക്കുന്ന പ്രത്യേക കലാവിഷ്കാരം കാമ്പയിന്റെ ഭാഗമായി പുറത്തിറക്കും. അറബിക്, ഇംഗ്ലീഷ് ഭാഷകളിൽ വിശുദ്ധ മാസത്തിന്റെ മൂല്യങ്ങൾ വിളിച്ചോതുന്ന ഗാനങ്ങൾ ഇതിൽ ഉൾപ്പെടുന്നു.ഖത്തറിന്റെ പരമ്പരാഗതമായ അതിഥി സൽക്കാരം, ഔദാര്യം, ഒത്തൊരുമ എന്നിവ ഉയർത്തിക്കാട്ടി ഖത്തർ എല്ലാവർക്കും ഒരു 'രണ്ടാം വീടാണെന്ന്' ലോകത്തിന് മുന്നിൽ അവതരിപ്പിക്കുകയാണ് ഈ സംരംഭത്തിന്റെ ലക്ഷ്യം.ഫെബ്രുവരി 17 മുതൽ മാർച്ച് 19 വരെ ദ പേൾ, ഗെവാൻ ഐലൻഡ് എന്നിവിടങ്ങളിൽപേൾ ഖത്തർ റമദാൻ ബസാർനടക്കും.മുശൈരിബ് ഡൗൺടൗണിൽ ഫെബ്രുവരി 18 മുതൽ മാർച്ച് 18 വരെ വിവിധ കലാ-സാംസ്‌കാരിക പരിപാടികൾ അരങ്ങേറും.ഫെബ്രുവരി 8 മുതൽ 27 വരെസൂഖ് വാഖിഫ് (അൽ വക്ര) ഷോപ്പിംഗ് ഫെയറും ഒരുക്കിയിട്ടുണ്ട്.ഖത്തർ നാഷണൽ വിഷൻ 2030-ന്റെ ഭാഗമായി ടൂറിസം മേഖലയെ ശക്തിപ്പെടുത്തുന്നതിനൊപ്പം റമദാനിലെ സാംസ്‌കാരിക പൈതൃകം ലോകത്തിന് പരിചയപ്പെടുത്താനും ഈ കാമ്പയിൻ സഹായിക്കും. കഴിഞ്ഞ വർഷത്തെ വിജയത്തിന്റെ തുടർച്ചയായാണ് ഈ വർഷവും കൂടുതൽ വർണ്ണാഭമായ പരിപാടികൾ ആസൂത്രണം ചെയ്തിരിക്കുന്നത്.